زانکۆیا زاخۆ سیمپۆزیۆمەک ب ناڤونیشانێ «ژ COP30 بەر ب COP31: دانوستاندن و پێشخستنا چالاکیێن سەقایی ل هەرێما کوردستانێ» ساز کر، ئەوا ژ لایێ سەنتەرێ زاخۆ بۆ ئارمانجێن گەشەپێدانا بەردەوام (ZCSDG) لسەر رێڤەبەرییا گشتییا سەنتەرێن زانستی، و بەشێ ژینگه‌هێ ل کۆلیژا زانست، ب هەماهەنگی دگەل فەرمانگەها گۆهۆڕینا کەشوهەوای ل دەستەیا پاراستن و چاککرنا ژینگه‌هێ ل هەرێما کوردستانێ هاتیکە ڕێکخستن.
د ڤێ سیمپۆزیۆمێ دا، سەرۆک و هاریکارێن سەرۆکێ زانکۆیا زاخۆ، نینەرێن دەستەیا پاراستن و چاککرنا ژینگه‌هێ، نینەرێن دەزگەهێ کوردستان فاوندەیشن، رێڤەبەریا کوچ و کوچبەران و بەرسڤدانا قەیرانا ل زاخۆ، مامۆستا و دکتۆرێن زانکۆیێ و قوتابی ئامادەبوون.
پڕۆفیسۆر د. دیار عبدالکریم سعید، سەرۆکێ زانکۆیا زاخۆ، د پەیڤا خو دا ڕۆشنایی ئێخستە سەر پابەندبوونا زانکۆیێ بۆ پاراستنا ژینگه‌هێ، بەردەوامیێ، و چالاکیێن کەشوهەوایێ. هەروەسا ئاماژە دا چەندین دەستپێشخەریێن ژینگه‌هی و پرۆژەیێن ستراتیجی یێن پلان بۆ هاتینە دانان، کو ئارمانج ژ وان بڕێڤەبرن و بەرهەڤکرنا ڕۆلێ زانکۆیێ یە د بەرسڤدانا ئاستەنگێن ژینگه‌هی دا و بەلاڤکرنا گەشەپێدانا بەردەوام.
ڕاگەهاندنا سەرەکی یا ئەڤێ سیمپۆزیۆمێ دیارکرنا ڕۆژا ۲٥ی ئۆکتۆبەرێ بوو وەک «ڕۆژا ژینگه‌ها زانکۆیا زاخۆ». ئەڤ دەستپێشخەرییە نیشانا پابەندبوونا زانکۆیێ یە کو بەرپرسیارەتییا ژینگه‌هی بکەتە پشکەکا نەڤەقەتیای ژ کەلتوور و چالاکیێن خۆ یێن دامودەزگەهی. ڕاگەهاندنا فەرمی ب شێوەیەکێ دیجیتالی هاتە ئیمزاکرن، کو سەلمێنەرا پابەندبوونا زانکۆیێ یە بۆ بەردەوامیێ و ڕەفتارێن بەرپرسیارانە بەرامبەر ژینگه‌هێ.
سەرۆکێ زانکۆیێ جەخت ل سەر گرنگییا پێشخستنا ستراتیجی و دەستپێشخەریێن دامودەزگەهی کر یێن گرێدای کێمکرنا کاربۆنێ، چالاکیێن کەشوهەوایێ، و بەردەوامییا ژینگه‌هی. ئەڤ بزاڤە ئارمانج ژ وان ئەوە پشکداریا زانکۆیێ بەرهەڤتر بکەن د بەرسڤدانا گۆهۆڕینا کەشوهەوایی دا و هاندانا چالاکیێن پرۆسەیی ل سەرانسەری جڤاکێ زانکۆیێ.
د ئەڤێ چالاکیێ دا سیمینار و پانەڵ هاتنە پێشکێشکرن بۆ بەحسکرنا ئاستەنگێن کەشوهەوایی، بەرهەڤکرنا هەڤکاریا دامودەزگەهی، و پێشخستنا چالاکیێن کەشوهەوایێ ل هەرێما کوردستانێ د چوارچۆڤێ COP30 و COP31 یا بهێت دا.
سیمپۆزیۆمێ زێدەتر گرنگییا هەڤکاریا ناڤبەرا دامودەزگەهێن ئەکادیمی و دەستەڵاتێن ژینگه‌هی نیشان دا د گرێدانا ڤەکۆلینێن زانستی، دارشتنا پۆلیتیکان، و پشکداریکرنا جڤاکی دا. ب ڕێكا دەستپێشخەرییان وەک سەنتەرێ زاخۆ بۆ ئارمانجێن گەشەپێدانا بەردەوام، زانکۆیا زاخۆ ئارمانج دکەت کو ئارمانجێن گەشەپێدانا بەردەوام (SDGs) پێش بێخیت ب ڕێكا ڤەکۆلین، پەروەردە، هەڤپەیمانی، و پروژەیێن کو بەرسڤا ئەولەویاتێن ناوچەیی و هەرێمی ددەن.
ب سازکرنا ڤێ سیمپۆزیۆمێ و دیارکرنا ڕۆژا خۆ یا ساڵانە یا ژینگه‌هێ، زانکۆیا زاخۆ جارەکا دی پابەندبوونا خۆ بۆ پاراستنا ژینگه‌هێ، چالاکیێن کەشوهەوایێ، و ئاڤاکرنا پاشەرۆژەکا بەردەوامتر بۆ هەرێما کوردستانێ دووپات دکەتەوە